Етимни хаққи эмасми?!

Ассалому алайкум! Яқинда маҳалламизда 32 ёшли навқирон йигитни машина уриб кетди, йигит воқеа жойида ҳалок бўлиб, фарзандлари етим қолди. Икки-уч кун олдин вафот этган йигитнинг қариндоши менга «фалончи кунга ифторликка ўтинг» деб ўша вафот этган йигитнинг уйига таклиф қилди, мен у кишига «улар Худойи қилиши яхши эмас, етим болалари қолган, биздан кўра ўшалар хақлироқ» дедим. У киши «Худойи (ифторлик)ни машинаси билан уриб кетган йигит қилиб беряпти» деди, мен «Яхшиси пулини мархум йигитнинг оиласига, яъни болаларига бериш керак» дедим, у киши «уларга ҳам берган, ифторлик ҳам қилиб берай деяпти» деди, мен  «Худойи (ифторлик)ни пулини ҳам оиласига бериш керак эди» дедим. Савол:Ўша Худойи (ифторлик)га бориб таом ейиш жоизми? Бу билан етимни ҳаққини еб қўймаймизми?
«Зикр аҳлидан сўранг» ҳайъати:
Ва алайкум ассалом! Етимларнинг молидан қилинмаса, ҳаммасини бошқа одам қилиб берса, жоиз. Лекин тақво юзасидан ўша маблағни оиласига бериш яхши. Валлоҳу аълам!
1-05-2022, 01:53 | Savol-javoblar | 48 | Ҳалол ва ҳаром
Boshqa savol-javoblar